.•[ السـلامـے عليـڪَمـے و رבـمـهــے اللـهـے و برڪَـاتهـے ~**
صباح ومســــاء الخيرات والليرات والدولارات واليورو والريالات <<لا يكثر بس
وهـــــــــــــذ اول موزوع لي
المهم انا مااحب اللف والدوران << واضح
بدخل بالموضوع على طول قصتي اللي صارت لي قبل كم يوم بشهر رمضان
ذاك اليوم رحت مع امي اصلي في المسجد الجامع اللي بحارتنا وقابلت صديقاتي واللي معي بالمدرسة
واجتمعنا بعد فـــــــراق طويل مدته 3شهور وصلينا صلاة التروايح وجلسنا نسولف لبعض وكل الحريم
طلعوا من المسجد وحنا عادنا موجودين
وبين سوالفنا طرت على بالي فكرة جهنميه وقلت:بنات وش رايكم بكرة نجتمع ونلعب كورة في ملعب الشباب ولله
إني تحمست عقب مباراة الهلال امس
نوني : والله فكرة حلوةهاه وش قلتو
نوسه : والله انا ماعندي مانع بس كيف نلعب والله صعبه
انا:لا مو صعبة إذا اذن المسجد نصلي إلين يقيم الصلاة وبعدين نطلع من بيوتنا وفي ذاك الوقت الكل في المسجد
طبعا البعض عارض الفكرة والبعض وافق وقلت: حنا بنروح واللي بيجي حياه الله انا خاطري العب كورة معكم
وجاء اليوم الثاني وكل البنات جو مايبون يفوتون الوناسه والفلة
ورحنا للملعب <<ام الوناسه
بعد ماتأكدنا انهم في المسجد
وسكرنا الليتات عشان ماحد ينتبه لنا ورفعنا عباياتنا وربطناها ودقينا اللثمه بالطرحه
نوني:واخيراً تحقق حلمي ولعبت في ملعب يب يبي
عنوده:يالله انا ياسر القحطاني
امل:لاموب على كيفتس يالدبه انا ياسر
نوني:انا سعد الحارثي فديت براطمه
انا:ويع الله يقرفتس انتي وبراطمه انا كابتنكم سامي الجابر ساميو
نوني:مايصلح هو معتزل
انا:مالي شغل انا ساميو
والتفتنا للبنات ولقيناهم يتهاوشون على ياسر
انا:هههههه والله مادرى عنكم يالمهبل اول وحده قالت ياسر هي اللي تمثله
عنوده:انا قلته قبل
امل:لاكذابه انا قايلته من امس
نوسه:لاانتي ولاهي انا
انا:خلاص ماصارت ولا وحدة منكم ياسر انزين.
نوسه:اجل انا المرشدي
رنود:وانا ديفيد بيكهام وبجي مع النصر
انا:فكه يالنكبه مانبي نتورط فيتس
رنود:ارحمينا يماجد عبدالله
انا:مالقيتي في العالم كله إلا ماجد تشبهيني فيه
رنود:احمدي ربس اني شبهتس في الاسطوره ماجد موب سامي
انا:تلايطي وسامي تاج راستس
عنوده:ماابي الا ياسر
ريوم:امممم انا الشلهوب
انا:كفو والله بالشلهوب
امل:اذاماحصل ياسر ابغى كرستيانو وبجي مع الهلال
سوسو:انا التايب
وكل وحده اختارت لاعب وحنا 16وحده وقسمنا الفريق قسمين الهلال والنصر ((بحكم كثرة مشجعي
الفريقين)).
ولعبنا ربع ساعه ولا احد كشفنا ودايمً لايخلو لعب البنات من الصراخ والهواش والغش وحنا استغربنا ماحد مر
علينا غريبة واصواتنا واصله للحارة الثانية
وانتهت المباراة بالنتيجه: مجموع الاهداف:الهلال11هدف
النصر8 اهداف
الاهداف السليمه والنظيفه من كل الشوائب والجراثيم للهلال5والباقي غش
.................................................. ... ............للنصر3والباقي غش
انا:نوني ههههههه وين سعد الحارثي ماشفناه في المباراه ماسجل ولاهدف حتى بالغش
نوني:تلايطي انا رجلي تعورني واوعدتس في المباراة الجايه راح اوريتس سعد
انا:ههههه والله من الدجه ياسعد
وتجي نوني وتسحب طرحتي وتنحاش <<انعن ام النذالة
والحقها وسحبت طرحتها وهكذا حتى البنات معنا
وفجـــــــــــــــاءه انفتحت الليتات ((الانوار))
رنود:يـــــــــــمه سكني اللهم سكنهم مساكنهم
انا:مين اللي فتح الليت(وانامااشوف من نوني طارحتني)وادفها واتفأجئ بالشباب واقفين
عند البوابه يناظرون الفوضى اللي حنا مسوينها
وحنا مبققين عيونا علـى الاخر وكل وحده تسحب طرحتها وتتغطى
ونظرات الشباب اللي تخوف واللي يتهدد واللي مبتسم
ونجتمع في احد زاويات الملعب من الاحراج شافوا وجيهنا واكيد عرفونا
نوني:ياويلي ويلاه اخوي معهم بيلعن خيري
انا :بنات وش السواة الحين
عنوده:كل من افكارتس اللي موديتنا في داهيه
انا:اقول اكرمينا بسكاتس اللي يسمعتس يقول انا اللي غاصبتكم
نوسه:وهي صادقه يا عنوده يالدبه
عنوده:خلاص ياليتني ماقلت شيء كلوني بقشوري
نوسه:حلوة قشوري خخخخخخخخخ
اماني:والله الرواقه تضحكين بس معك الحق محد يعرفك
وقرب واحد من الشباب وقال:الحين وش اللي مجيبكم هنا هاه يالله تكلمو
وحنا ساكتين
قال ثاني:مانيب مطلعينكم الا اذا اعترفتو بساميكم الكاملة اوكي<<حشى مسوين جريمة خخخخ
انا<بصوت قصير>:يووووه اللي رحنا فيها بس اهم شيء اخواني مومعهم
امل<بصوت عالي للشباب>:طلعونا احسن لكم <<فاصخه الحيا هالبنت ههه
الشباب:حنا قلنا اللي يبي يطلع يعترف باسمه
امل:على كيفكم نقول اسامينا
الشباب:والله بكيفكم يالله الشاطرة تجي تقول لنا عشان تطلع
امجاد:طيب وش تستفيدون اذا عرفتو اسامينا
الشباب:نقول لأهلكم عشان يربونكم من جديد
انا:حنا متربين احسن من تربيتكم يالدشير
قال واحد:ايـــــــــش واللي مسوينه من شوي وش يسمى على فكرة ترانا مراقبينكم وانتم
ماشفتونا ههههههههههههه ياساميو ياخطير
والباقي يضحكون
قال واحد تخوف نظراته:وش رايك تجين تلعبين معنا ههههههه
انا للبنات:الله لايوفقهم يراقبونا والله الورطه
نوني وهي تبكي:بنات اخوي اظاهر انه عرفني بيفقع وجهي
نوسه:خخخخخخ الحمدلله تبكين انا الحمدلله مومن حارتكم <<فالتها البنت
ويجي واحد نذل ويقفل الباب وياخذ المفتاح معه لان الملعب زارعينه وحاطين شبك وباب
قال:يالله حنا بنلعب واللي بتعترف تقولنا هههههههه
امل:ياعرب حنا مالعبنا كوره مخلين الكورة لكم
واحد دلخ:ههههه شين وقوة عين هههه
امل:تكفى يالمزيون
واحد مملوح:انا المزيون صح
امل:انعن ام الثقه
اماني"بصوت قصير":امول ووجع خلاص لاتتكلمين
امل:برد عليهم رافعين ظغطي
انا:اما عليهم شورتات خخخخخ ماتليق عليهم ابد
امل:ايه والله مالت
انا :بنات انا بأطب من الشبك وانتم غطوا علي
عنوده:الحمدلله كيف بتطبين بيشوفونك
انا:هم الحين يلعبون تعالو قدامي وبطب بسرعه
نوني:بطب معك
انا:يالله
ويوم وصلنا لقمة الشبك شافونا الشباب
ونطب بسرعة ونركض بقوة واثنين منهم لحقونا
انا:نوني امشي للمسجد
وندخل لمسجد النساء والشباب ماشافونا ونقفل الباب من داخل ونقفل الليتات ونطل من تحت الباب
الاول:تعال للمسجد اكيد هم فيه
ويفتحون الباب ويلقونه مقفل
الثاني:لا اكيد قفلوا المسجد
ويروحون من الشارع
نوني:تهقين اذا طلعنا بيشوفونا
انا:يمكن بس حنا بنقعد عشر دقايق الين يهدى الوضع
نوني: اوكي بس وش الحل حنا وعدنا البنات نطلعهم
انا:اممممم ايه عندي فكرة
نوني:نورنينا ياام الافكار
انا:نغير اشكالنا ونلبس ملابس عجز وحتى العبايات والجزم
نوني:بس يمكن يعرفونا
انا:تفاءلو بالخير تجدوه
نوني:يالله ان شاء نقدر نطلعهم
ونطلع من المسجد ونوني راحت لبيتها وانا بعد رحت لبيتنا وانا ادعي ان بيتنا مافيه احد
ويوم دخلت سمعت اصوات عاليه في المجلس وامر بسرعه قبل ماحد يشوفني ولبست جلابيه جدتي الكشخه
اللي مصممه لها زهير مراد لونها زرقاء فيها ورود حمراء وصفرا<<خخخخخخ هاذي موضة هالسنه
والبس شبشب خدامتنا لونها خضراء ولقيت عبايه راس وسيعه وخذيتها ودعجت العين من الكحل واحط روج
احمر والبس برقع بعدين فكرت قلت ليش احط الروج وهم موب شايفيني خخخ يالله عادي تمويه <<وش دخل
وكلمت نوني وقالت نتقابل عند المسجد وطلعت بسرعة البرق
ويوم وصلت للمسجد والقى شحاده جالسه عند باب المسجد <ياربي وين نوني مالي خلق انتظرها>
ورحت للشحاده وقلت لها شفتي وحده كانت تمشي معي
وتقعد تقز في عيوني وفجاءه انفجرت ضحك وبعدين عرفتها من ضحكتها
انا:والله ضبطتيها صح
نوني :افا عليك قدها
ونروح للملعب
اناوانا اهز الباب:هيه يالعربان افتحوا
ويجون اغلب الشباب ويفتحون الباب
واحد شيفه:هاه نعم وش تبون
نوني:ايااللي ماتستحون على وجيهكم وش دخل البنات عندكم هااه
رد واحد ثاني وهو مرتبك:هاااه هم اللي مخطين علينا ويلعبون كورة في ملعبنا
انا:طيب وش دراكم انهم يلعبون بملعبكم وليش تحجزونهم هنا
الشيفه: ياخاله هم يستاهلون نحجزهم وحنا شفناهم يلعبون بعيونا
انا"بسم الله علي من خالتك"
نوني:اقول لايكثر ويالله يابنات تعالوا معانا نوديكم لاهلكم
الشباب:قولي لااهلهم يربونهم زين على سواياهم
انا:بسم الله على بناتنا وش زينهم ماشاء الله عليهم
قال واحد:ايه هم من ناحية الزين زين بس الادب ماعندك احد
نوني:اقول احترم نفسك والزم حدودك وانا بعلم اهلهم اذا كانو مسوين شيء
والبنات يطالعونا موب مستوعبين اللي شاكه فينا واللي دلخه ماعرفتنا
وطلعوا البنات
انا:يالله تمسون على خير ياعيال
الشباب :الله يمسيك بالنور
انا:تبون شيء ياعيالي قبل مااروح
قال واحد:ابيك تعرفين من اللي طب مع الشبك وعلمي اهلهم عنهم
انا(معصي والله):ههه انت تستهبل وانا امك البنات موب راعيات هالسوالف
قال ابو نظرات تخوف:والله انا شاك فيهم اظاهر اني عرفتهم
انا(الله يستر): من هم اللي عرفتهم
قال:ظنس اني بقولس ههههه شغلي معهم بعدين
ونحط رجلينا وندز قبل مايكشفونا هع هع هع
نوسه:الحين انتم من
اناونوني فطسنا ضحك
وعرفونا من ضحكتنا المميزه
نوسه:يالخطيرات تعجبوني
امل:يالبى والله قلوبكم طلعتونا قبل ماتكبر السالفة
نوني:اقول بنات الله يستر يقول هاذاك اللي مدري وش اسمه انه عرفنا
انا:اقول اذا عرفوا مالنا إلا الصراحه احسن مايدخلونا في سوالف ثانيه
عنوده:تدرون منو هذا
انا:لامانعرفه
عنوده:هذا اخوووي
وانا كنت حاقده عليه بقوة وامسكها انا ونوني ونضربها إليــــــــن تفلت العافيه
عنوده:انا وش دخلني
نوني: دخلتس انتس اخته يمال الحمى الشوكية
عنوده:استغفري حرام عليتس
انا:نوني لا تستغفرين خليه يجيها ونفتك منها هي واخوها
وبعد النقاشات الحاده قلنالها تسال اخوها وتستجوبه عن اللي صار اليوم بدون مايدري انها معنا
وعطيناها مهله يوم ونص
وتقابلنا انا ونوني وعنوده وقالت انه كان شاك فيكم بس انا حاولت فيه انه مايقول لاحد
والحمدلله إلى الحين ماعرف احد غيرنا
واتمنى اني ماغثيتكم واطلت عليكم وان قصتي حازت على رضاكم
تشاااااواااات
منقوووووول
الإثنين نوفمبر 10, 2008 6:11 am
